THE LITTLE CANTICLES OF ASTURIAS
Y dempués, a medianueche, cuando entamemos baxar
Pel ardiente valle de Xixón,
Pa los sos priestos y colloraos, in media res,
Yera como si la mio propia cara volviere arder
Énte’l llabiu airáu y la boca roxa
Del montón de periódicos que-y prendimos fueu va tiempo
Una tarde d’aire, papeles que volaben
En mazuños de llames, ascues pequeñes pel aire
Amenaciando’l techo de paya de la casa y les facines:
Casi mos asustamos col restallíu épicu del fueu
D’aquellos fornos y encaldiaes industries
Onde’l turnu nueche echaba la so estaya
Y perdimos tol enfotu d’entender el mapa
Ygarremos velocidá arrenegando de les carretes del diañu.
Gústame esti poema porque ta escritu por Seamus Heaney, un escritor y profesor irlandés,
nun fai falta nacer nuna tierra para conocela, querela o sentila como parte to.
nun fai falta nacer nuna tierra para conocela, querela o sentila como parte to.
INACIU GALÁN Y GONZÁLEZ
¿CÓMO?
¿Cómo cuenten les hores
nes fabriques de Calcuta
onde nun ven la lluz
del sol? ¿Cómo imaxinen
el dolor del cielo los
neños de Pequín, detrás
del fumu? ¿Sedrán quén siquier a atalantar la
esistencia del arcu la vieya
o lo que ye una fartura nel cuernu d’África,
cómo podrién facese a
la idea de qu’en casa
tengo trés caños pelos
que sal agua frío,
caliente ya infinito,
cuando me peta?
¿Cómo podemos nós atalantar
Lo qu’ellos viven, lo qu’ellos sienten?
Ye simple. Nun somos a ello.
Por eso miramos pa otro llau.
Porque ye más cómodo
Vivir d’espaldes.
Paezme importante qu'hai que concenciar al mundu de que los problemes nun s’evaporan,
qu'hai que mirar a les situaciones desagradables y buscar soluciones, Que nun vale afaese ya intentar
escaecer un problema porque a ti nun t’afecta.
qu'hai que mirar a les situaciones desagradables y buscar soluciones, Que nun vale afaese ya intentar
escaecer un problema porque a ti nun t’afecta.
(estí nun tien título)
MARGARITA GARCÍA PELLEJERO
Cansé de recoyer
Lospedazo pel suelu.
Tu, vasu vaciu. Yo medio enllenu.
Cortéme delles vegaes
Por nun querer ver la derrota
Nos tos güeyos.
Cortéme, cortéme, les manes enllenes de sangre
qu’enllena tolos requexos de la nuesa casa
dexando namás la cadarma.
Enllenando les caleyes
víes y carreteres
col mio sangre.
Ensin dala dulda
el corte más fonderu
qu’apenes tien cura
ye’l que fixisti
anueche.
Cuando me dixisti
que borrarías toles mios semeyes
y dibuxos
y que nun tornaríes a la mio vida
Güei,
sigo entrúgandome
si entá quies
el pegacientu.
Pa dir
seliquín
axuntando los estrozos.
El poema diz que se cansó de recoyer los cachos rotos, como si nun fuera nin la primera nin última vegada que
se rompíen en cachos y como ella sola teníen que llimpiar l'estropiciu y como toma la iniciativa de colar pero tien
la dulda si dalguna vegada la so pareya quixo intentar reparar los sos cachos.
se rompíen en cachos y como ella sola teníen que llimpiar l'estropiciu y como toma la iniciativa de colar pero tien
la dulda si dalguna vegada la so pareya quixo intentar reparar los sos cachos.
Bibliografía: Revista de la VII Xunta d'Escritores Asturianos cola collaboración de Formientu. (2017)
Tolos poemes son per buenos. Voi compartilos en mi Facebook pa que tol mundu los vea.
ResponderEliminar